ཁྲི་ཀའི་གེ་སར་རྒྱལ་པོའི་རྟ་སྒ། 

ཁྲི་ཀའི་གེ་སར་རྒྱལ་པོའི་རྟ་སྒ།

ཟི་ལིང་། དབང་ཆེན་ཚེ་རིང་།

 

      ངག་རྒྱུན་ཤུལ་རྟེན་འདི་ནི་རྐང་ཚ་གོང་མ་སྡེ་བར་ཡོད།སྡེ་བ་འདི་ནི་འཕྲང་དམར་སྲིད་གཞུང་གི་ཤར་ཕྱོགས་སུ་སྤྱི་ལེ༤༠ལྷག་གིས་ཆོད་པའི་ཨ་མྱེས་རྫ་དམར་གྱི་བྱང་ཕྱོགས་ན་ཆགས་འདུགགེ་སར་རྒྱལ་པོའི་རྟ་སྒ་ཞེས་པའི་རྡོ་དེའི་གཟུགས་དབྱིབས་རྟ་སྒ་དང་མཚུངས་པའི་རྡོ་ཆེན་པོ་ཞིག་ཡིན།ས་དེའི་རྒན་པོ་བསོད་ནམས་ཚེ་བརྟན་གྱིས་མཚམས་སྦྱོར་བྱས་པ་ལྟར་ན།ས་ཆ་དེ་ན་གེ་སར་སྒྲུང་དང་འབྲེལ་བའི་ངག་རྒྱུན་ཤུལ་རྟེན་མང་པོ་ཡོད་དེ།གེ་སར་རྟ་སྒ་འདིར་མི་རྣམས་ཀྱིས་གེ་སར་རྒྱལ་པོའི་ཆིབས་པ་རྐྱང་རྒོད་གཡེར་བའི་རྟ་སྒ་ཞེས་གནའ་ནས་ད་བར་དུ་ངག་རྒྱུན་དུ་གྲགས།རྡོའི་སྟེང་ན་སུར་ནགསུར་དཀར།སྤེན་མ།ལྕང་མ།གླང་མ་སོགས་སྐྱེས་ཡོད།གཞན་ཡང་རྐང་ཚ་དགོན་ནས་ལྷོ་ཕྱོགས་སུ་སྤྱི་ལེ་བཅོ་ལྔ་ཡས་མས་སུ་སྦྲ་གུར་དང་འདྲ་བའི་རྡོ་ལྔ་དྲུག་ཅིག་ཡོད་དེ།ས་དེའི་མི་རྣམས་ཀྱིས་རྡོ་གུར་ཞེས་གནའ་ནས་ད་ལྟའི་བར་འབོད་སྲོལ་མཆིས།དེའི་ཕྱིའི་དབྱིབས་ནི་གུར་ཞིག་དང་འདྲ་ཞིང་།རྡོ་ལ་ལར་ཁུང་བུ་ཡོད་ཅིང་ཁུང་ཁ་ཆུང་རུང་ནང་དུ་འཛུལ་རྗེས་མི་ཞིག་ལངས་ནས་བསྡད་ཆོག་ལ།ལ་ལའི་ཁུང་བུ་ཆུང་བས་བཙོག་ནས་མ་གཏོགས་འདུག་མི་ཐུབ།

Gesar of Ling Epic Triga ངག་རྒྱུན་ལོ་རྒྱུས

Contents

About

Collection Modern Writing from Qinghai Province
Visibility Public - accessible to all site users (default)
Author དབང་ཆེན་ཚེ་རིང་།
Year published 2021
Language Tibetan
Subjects
Places
Terms