ཁྲི་ཀའི་ཤན་པ་རྨེ་རུ་རྩེའི་མཚམས་ཁང་། 

ཁྲི་ཀའི་ཤན་པ་རྨེ་རུ་རྩེའི་མཚམས་ཁང་།

 

ཟི་ལིང་། དབང་ཆེན་ཚེ་རིང་།

 

ཤུལ་རྟེན་འདི་ནི་དཀར་བརྗིད་ཡུལ་ཚོའི་ཁོངས་སུ་གཏོགས།དཀར་བརྗིད་སྔགས་ཁང་གི་ཨ་ཁུ་འཇམ་དབྱངས་ཤེས་རབ་ཀྱིས་མཚམས་སྦྱོར་ལྟར་ན།བཤད་རྒྱུན་ལ་དེང་སྐབས་ཀྱི་དཀར་བརྗིད་སྔགས་ཁང་བཞེངས་ཡོད་པའི་གནས་དེ་ཡིན་པ།ཁྲི་ཀའི་རིག་གནས་ལོ་རྒྱུསལས།སྲིད་པ་ཆགས་པའི་ལྷ་དགུའི་ནང་ཚན།ཟོ་དོར་དགྲ་རྒྱལ་རྒོད་པོ་རྩེའི་ཉེ་འདབས།སྒོ་མེ་དཀར་བརྗིད་ཅེས་དགེ་བཅུའི་དཔལ་གཡང་འཛོམས་པའི་ཡུལ་གྲུ་དང་མི་རིང་བའི་ནུབ་ངོས།ཧོར་ཤན་པ་རྨེ་རུ་རྩེའི་སྐྱེས་ལྷ་ལྕོག་ལྷ་མཚལ་རྩེའི་མདུན་ཞོལ་དུ།སྔ་འགྱུར་རྙིང་མའི་དགོན་པ་རྣམ་གྲོལ་པདྨ་གླིང་བཏབཅེས་དཀར་བརྗིད་སྔགས་ཁང་ནི་ཤན་པ་རྨེ་རུ་རྩེའི་མཚམས་ཁང་གི་གནས་དེ་ལ་བརྟེན་ནས་ཐོག་མར་ཁང་པ་གྱན་གསུམ་ནས་རིམ་བཞིན་འདུ་ཁང་ཆེན་མོ་འཛུགས་སྐྲུན་བྱས།ད་ལྟའི་བར་དུ་ཕལ་ཆེར་ལོ་ངོ་བདུན་བརྒྱའི་ལོ་རྒྱུས་ཡོད་པར་བཞེད།དེ་ལས་དཀར་བརྗིད་སྔགས་ཁང་གི་རྒྱབ་རི་དེ་ནི་ཤན་པ་རྨེ་རུ་རྩེའི་བླ་རི་ལྕོག་ལྷ་མཚལ་རྩེ་ཡིན་པའང་བསྟན་ཡོད།དེང་སྐབས་ས་དེའི་མང་ཚོགས་ཀྱིས་རི་མགོར་ལ་རྩེ་བསྟད་ཡོད།

Meditation Cave Triga མཚམས་ཁང

Contents

About

Collection Modern Writing from Qinghai Province
Visibility Public - accessible to all site users (default)
Author དབང་ཆེན་ཚེ་རིང་།
Year published 2021
Language Tibetan
Subjects
Places
Terms